torsdag 2. mai 2013

Eit nytt lass med fôr og strø er levert på tunet og kalvane har fått namn


I dag kom ein ny semi med spon, horsehage, torvstrø og høysilage på tunet.
Alt dette er for sal.

 Det er klart til lossing.

 Lossinga er i gong med gromtraktoren, NHT 6040.

Tusen takk for alle dei flotte forslaga me har fått på namn til desse to flotte kalvane!
Veldig kjekt med så god respons.
Me har saman kome fram til at kvigekalven, 776, skal få namnet Guddlo,
og oksekalven, 778, skal få namnet Freia.
Alle namneforslaga de har kome med lagrar me og kjem nok til å ta fleire av dei i bruk ved ein seinare anledning, men me kjem og til å spør etter fleire namneforslag når nye kalvar vert fødde.
Og kanskje nokre fleire av dei som allereie er fødde og bur i nyefjøsen må få namn etterkvart. :)

Det er rart korleis kvigene ofte er. Dei første dagane må ein ha grime på dei og med list og lempe prøve å lure dei inn med noko mjøl i tillegg til at nokon gjerne må stå bak og skubbe litt i dei for å få dei over kanten og inn i mjølkestallen. Etter eit par dagar slik kjem dei plutseleg brøytande fram og skal først inn i stallen. Slik var det med 481 og, mor til 778 Freia. I dag tidleg brøyta ho seg gjennom flokken og nesten gjennom porten inn i mjølkestallen og stod først klar til å bli mjølka. I starten kan dei av og til verke svært tunglærte og ein har lyst til å gje opp, men plutseleg løsnar det.

Det er herleg å sjå på personlegdomane til dyra. For nokre veker sidan, då Torunn mjølka og gjerne skulle hatt eit kamera tilgjengeleg, stod 458 med frambeina inn i mjølkestallen og hovudet klar gjennom porten og venta på at det var hennar tur. 331 stod med hovudet og kvilte panna mot skuldra til 458 med augo såvidt att. Innimellom sklei ho av skuldra, augo glei forsiktig opp, ho løfta hovudet opp att og støtta seg på ny på skuldra til 458. 458 brydde seg ikkje om at 331 stod der og syntes det var heilt ok at veninna, som trong ein pust i bakken, kvilte seg på henne. Utruleg herleg og kjekt å sjå på.

2 kommentarer:

  1. ER så stolt i dag..... 776 Guddlo er mitt forslag .Evelyn

    SvarSlett
  2. Så kjekt, Evelyn! Me lurte fælt på kven det var som hadde kome med det forslaget. ;)

    SvarSlett